മട്ടന്നൂര്‍ വേങ്ങാട് കെ എസ് യു പ്രവർത്തകന് നേരെ ആക്രമണം

വേങ്ങാട് : ഇ.കെ.നായനാർ മെമ്മോറിയൽ ഹയർ സെക്കന്ററി സ്കൂളിലെ കെ എസ് യു യൂണിറ്റ് വൈസ് പ്രസിഡന്റ് അജിനാസിനെ പള്ളിയിൽ പോയി തിരിച്ച് സ്കൂളിലേക്ക് പോകുമ്പോൾ പത്തോളം വരുന്ന ആളുകള്‍ മർദ്ദിച്ചതായി പരാതി. അക്രമത്തിൽ കൈയ്ക്ക് ഗുരുതരമായി പരിക്കേറ്റ അജ്നാസിനെ തലശ്ശേരി ഇന്ദിരാഗാന്ധി സഹകരണ ആശുപത്രിയിൽ പ്രവേശിപ്പിച്ചു. എസ്എഫ്ഐ  പ്രവര്‍ത്തകരാണ് അക്രമത്തിനു പിന്നില്‍ എന്ന് കെ എസ് യു ആരോപിച്ചു. സ്കൂളുകൾ കേന്ദ്രീകരിച്ച് സിപിഎം നേതൃത്വത്തിന്റെ സഹായത്തോടെ എസ്എഫ്ഐ അക്രമം അഴിച്ചുവിടുകയാണെന്നും ഇതിനെ എന്ത് വില കൊടുത്തും ചെറുക്കുമെന്നും  ബ്ലോക്ക് പ്രസിഡന്റ് ഹരികൃഷ്ണൻ പാളാട് പറഞ്ഞു. അക്രമത്തിൽ കെ എസ് യു മട്ടന്നൂർ ബ്ലോക്ക് കമ്മിറ്റി പ്രതിഷേധിച്ചു.

ഫ്ലാഷ് ന്യൂസുകൾ ലഭിക്കാൻ കണ്ണൂർ വാർത്തകൾ ആൻഡ്രോയിഡ് ആപ്ലിക്കേഷൻ ഡൗൺലോഡ് ചെയ്യൂ. https://play.google.com/store/apps/details?id=com.kannur.varthakal

No comments

Powered by Blogger.