ജംഷഡ്‌പൂരിനെ മറികടന്ന് പൂനെ ഒന്നാം സ്ഥാനത്ത്


പുണെ: സ്വന്തം തട്ടകത്തില്‍ പുണെയ്ക്ക് വിജയം. ആവേശകരമായ മത്സരത്തില്‍ ജംഷേദ്പൂരിനെതിരെ ഒരു ഗോളിന് പിന്നിട്ട് നിന്ന ശേഷമാണ് രണ്ട് ഗോള്‍ മടക്കി ആതിഥേയര്‍ വിജയം പിടിച്ചെടുത്തത്. 29-ാം മിനിറ്റില്‍ വെല്ലിങ്ടണ്‍ പ്രിയോറിയുടെ ഗോളില്‍ സന്ദര്‍ശകര്‍ ആദ്യ പകുതിയില്‍ ലീഡ് സ്വന്തമാക്കി. എന്നാല്‍ രണ്ടാം പകുതിയില്‍ കൂടുതല്‍ ഉണര്‍ന്നു കളിച്ച പുണെ രണ്ട് ഗോളുകള്‍ വലയിലാക്കി അര്‍ഹിച്ച വിജയം നേടിയെടുത്തു. 62-ാം മിനിറ്റില്‍ ഗുര്‍ടെജ് സിങ്ങും 66-ാം മിനിറ്റില്‍ എമിലിയാനോ അല്‍ഫാരോയും പുണെയ്ക്കായി ഗോളുകള്‍ കണ്ടെത്തി.
മത്സരത്തിന്റെ തുടക്കം മുതൽ മികച്ച പ്രകടനമാണ് പൂനെ കാഴ്ചവെച്ചത്. പക്ഷെ ആദിൽ ഖാനും അൽഫാറോക്കും കിട്ടിയ അവസരങ്ങൾ അവർക്ക് മുതലാക്കാനായില്ല. തുടർന്നാണ് ജംഷഡ്‌പൂർ മത്സരത്തിൽ ഗോൾ നേടിയത്. പെനാൽറ്റി ബോക്സിലേക്ക് വന്ന പന്ത് ക്ലിയർ ചെയ്യുന്നതിൽ പൂനെ ഗോൾ കീപ്പർ വിശാൽ കെയ്തും സാഹിലും പിഴവുവരുത്തിയപ്പോൾ പന്ത് ലഭിച്ച വെല്ലിങ്ടൺ പ്രിയോരി ഗോളകുകയായിരുന്നു.

ഫ്ലാഷ് ന്യൂസുകൾ ലഭിക്കാൻ കണ്ണൂർ വാർത്തകൾ ആൻഡ്രോയിഡ് ആപ്ലിക്കേഷൻ ഡൗൺലോഡ് ചെയ്യൂ. https://play.google.com/store/apps/details?id=com.kannur.varthakal

No comments

Powered by Blogger.