ഇന്ത്യന്‍ ടീമില്‍ അഴിച്ചുപണി, ഇനി ടീമിനെ ഹര്‍മന്‍ പ്രീത് നയിക്കും; മിതാലി രാജിനെ ഒഴിവാക്കി


ഇന്ത്യന്‍ ടീമിലെ ഔള്‍റൗണ്ടര്‍ ഹര്‍മ്മന്‍പ്രീത് കൗര്‍ ദക്ഷിണാഫ്രിക്കയ്‌ക്കെതിരെയുള്ള ടി-20 പരമ്പരയ്ക്കുള്ള ടീമിനെ നയിക്കും. പരമ്പരയില്‍ അഞ്ച് മത്സരങ്ങളാണുള്ളത്. പരമ്പരയിലെ ആദ്യ മത്സരം ഫെബ്രുവരി 13 ന് നടക്കും.
ഹര്‍മ്മന്‍പ്രീത് കൗര്‍ ദേശീയ ട്വന്റി-20 ടീമിനെ നായകസ്ഥാനത്തേക്കെത്തുന്നത്് ഇതാദ്യമാണ്. ഇന്ത്യന്‍ ടീമിലെ സൂപ്പര്‍ സ്റ്റാര്‍ മിതാലി രാജായിരുന്നു നേരത്തെ ടി-20 ടീമിനെ നയിച്ചിരുന്നത്. പരമ്പരയിലെ ഏകദിന മത്സരങ്ങള്‍ മിതാലി രാജ് തന്നെയായിരിക്കും നയിക്കുക. മാറ്റങ്ങള്‍ ടി-20യില്‍ മാത്രമാണ് വരുത്തിയതെന്ന് സെലക്ഷന്‍ കമ്മറ്റി അറിയിച്ചു. പോയ വര്‍ഷം ഇംഗ്ലണ്ടില്‍് നടന്ന ലോകകപ്പില്‍ റണ്ണറപ്പായിരുന്നു ഇന്ത്യ. അന്ന് ടീമിന്റെ ക്യാപ്റ്റന്‍ മിതാലിയായിരുന്നു.
ടീമിന്റെ വൈസ് ക്യാപ്റ്റന്‍ സ്മൃതി മന്ദാനയാണ് . 17 വയസ്സുകാരിയായ ജെമിയ റോഡ്രിഗസാണ് ടീമിലെ പുതുമുഖ താരം.

ഇന്ത്യന്‍ ടീം: ഹര്‍മ്മന്‍പ്രീത് കൗര്‍, സ്മൃതി മന്ദാന, മിതാലി രാജ്, വേദ കൃഷ്ണമൂര്‍ത്തി, ജെമിനാഹ് റോഡ്രിഗസ്, ദീപ്തി ശര്‍മ്മ, അനുജ പാട്ടീല്‍, ടാനിയ ഭാട്ടിയ, നുസ്ഹത്ത് പര്‍വീന്‍, പൂനം യാദവ്, രാജേശ്വരി ഗെയ്ക്ക്വാദ്, ജൂലന്‍ ഗോസ്വാമി, ശിഖ പാണ്ഡെ, പൂജ, രാധ യാദവ്.
ഫ്ലാഷ് ന്യൂസുകൾ ലഭിക്കാൻ കണ്ണൂർ വാർത്തകൾ ആൻഡ്രോയിഡ് ആപ്ലിക്കേഷൻ ഡൗൺലോഡ് ചെയ്യൂ. https://play.google.com/store/apps/details?id=com.kannur.varthakal

No comments

Powered by Blogger.