തളിപ്പറമ്പ്: കോളജിന്റെ രണ്ടാംനിലയില്‍ നിന്ന് വീണ് അവസാനവര്‍ഷ ബിരുദ വിദ്യാര്‍ത്ഥിനിക്ക് ഗുരുതരമായി പരിക്കേറ്റു. തളിപ്പറമ്ബ് സര്‍സയ്യിദ് ഇന്‍സ്റ്റിറ്റിയൂട്ടിലെ വിദ്യാര്‍ത്ഥിനി തളിപ്പറമ്ബിലെ ഫാത്തിമത്തുല്‍ നൂരിയക്കാണ്(20) പരിക്കേറ്റത്. ഇന്നലെ ഉച്ചക്ക് ആണ് സംഭവം. സര്‍സയ്യിദ് കോളജിലെ പ്രൊഫ.അഷറഫിന്റെ മകളും ബി.എ ഇംഗ്ലീഷ് വിദ്യാര്‍ത്ഥിനിയുമായ ഫാത്തിമത്തുല്‍ നൂരിയയെ കോളജ് മുറ്റത്ത് വീണുകിടക്കുന്ന നിലയില്‍ കണ്ടെത്തുകയായിരുന്നു. കുട്ടി തലചുറ്റലിന് ചികിത്സയിലായിരുന്നുവെന്നാണ് രക്ഷിതാവ് പൊലിസിനോട് പറഞ്ഞത്. കെട്ടിടത്തിനു മുകളില്‍ നിന്ന് തലകറങ്ങി വീണതാകാമെന്നാണ് പ്രാഥമിക നിഗമനം. ഉടന്‍ പരിയാരം മെഡിക്കല്‍ കോളജിലെത്തിച്ച വിദ്യാര്‍ത്ഥിനിയെ അടിയന്തിര ശസ്ത്രക്രിയക്ക് വിധേയയാക്കി.
ന്യൂറോ വിഭാഗം തീവ്രപരിചരണ വിഭാഗത്തില്‍ കഴിയുന്ന ഫാത്തിമത്തുല്‍ നൂരിയയുടെ നില അതീവ ഗുരുതരമാണെന്ന് ആശുപത്രി അധികൃതര്‍ പറഞ്ഞു
ഫ്ലാഷ് ന്യൂസുകൾ ലഭിക്കാൻ കണ്ണൂർ വാർത്തകൾ ആൻഡ്രോയിഡ് ആപ്ലിക്കേഷൻ ഡൗൺലോഡ് ചെയ്യൂ.
https://play.google.com/store/apps/details?id=com.kannur.varthakal
Post a Comment
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ കണ്ണൂര്‍ വാര്‍ത്തകളുടേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം രചയിതാവിനായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.